Прочетен: 2279 Коментари: 2 Гласове:
Последна промяна: 07.09.2007 12:43
Во Албанија живеат над 100.000 етнички Бугари и тие се приоритет за бугарската влада. Оваа вест од бугарската национална телевизија ја пренесе албанската агенција „Балкан веб“.
Според „Балкан веб“, во 2004 година во извештај на бугарскиот центар за меѓународни малцински истражувања се вели дека во Албанија, во Мала Преспа и во Голо Брдо има 50.000 Бугари. Во прилогот на бугарската национална телевизија се вели дека таа цифра е 100.000 и се критикува албанската влада дека не обрнува внимание на ова малцинство и дека нема школи на кои ќе се изучува бугарскиот јазик. Во репортажата се вели дека албанската влада не го признава постоењето на ова малцинство, но и дека тоа е приоритет на бугарската влада.
http://www.vreme.com.mk/DesktopDefault.aspx?tabindex=9&tabid=1&EditionID=1195&ArticleID=76934
ЕТНИЧКА МАТЕМАТИКА
Новинари открија 100.000 Бугари во Албанија
Во репортажата, новинарите ја критикуваат албанската влада зашто уште не го признала постоењето на бугарското малцинство и не им овозможила да учат на мајчин јазик
„Вистина или лага, бројката дадена за славјанското малцинство во Албанија претендира за 100 илјади. Засега нема официјална реакција од албанската дипломатија, дали таа бројка на бугарско малцинство е точна“, коментира „Топ-ченел“.
Според новинарката Марија Иванова и нејзиниот колега Венцисав Миленков, во Албанија постојат колеџи и училишта за „малцинските групи“ како што е грчкото, турското и македонското, но училиште на бугарски нема, иако бројот на Бугарите што живеат во Албанија е над 100 илјади. Во репортажата, авторите упатуваат критика до албанската држава, која се" уште не го признава постоењето на Бугарите на нивните простори, иако „за секоја бугарска висока државна структура“ тоа било приоритетно прашање.
Но, не само медиумите туку и официјалните бугарски личности бараат права за „нивното малцинство“ во Албанија. Покрај другите, пред три години тогашниот спикер на бугарскиот парламент, Огњан Герџиков, од својот албански колега Сервет Пелумби побара признавање на правата на бугарското малцинство во таа земја, во согласност со законските прописи на Албанија и меѓународните конвенции. Што тој му одговорил не се дозна, но албанските медиуми тогаш пренесоа дека „бугарско малцинство живеело во областа Голо Брдо, во повеќе села во околијата на Корча и во Пешкопеја“.
Претставници на македонските друштва остро ги критикуваа „дезинформациите што се пласираат од Софија“. Сепак, тие признаваат дека, ползувајќи ја големата сиромаштија на жителите, посебно во подрачјето на Голо Брдо и на Гора, се спроведуваат разни пропаганди за асимилација на Македонците, а една од нив е и обидот за насилна бугаризација.
- Во 16-те села од Голо Брдо живеат единствено етнички Македонци. Едно од селата е со мешано население: Македонци, од двете конфесии и Албанци, додека пет села се со албанско население - вели Кимет Фетаху, претседател на друштвото „Мир“.
Тој како директор на Центарот за етнички истражувања вели дека приближната цифра на Македонците на целата територија на Албанија е до 150.000. Фетаху вели дека нештата ќе се разјаснат доколку се организира попис на кој граѓаните слободно да се изјаснат за етничката припадност.
- Припадници на бугарското малцинство во Албанија нема. По која логика се бара бугарско малцинство, тоа им е познато само на оние што сакаат да докажат некои невистини. Поради големата беда во која живеат Македонците, особено во спомнатите области, во изминатите години бугарски мисионери носеа помош за своите „сонародници Бугари“, а нудеа и бугарски пасоши - вели Едмонд Темелко, претседател на друштвото „Преспа“ и градоначалник на Пустец.
Последниот попис на населението во Албанија беше спроведен во април 2001 година, а го бојкотираа сите малцинства.
Вера Тодоровска
http://www.dnevnik.com.mk/?ItemID=A8B041E4D893024D85298E665FF67E65
Претензиите на Софија дека во Албанија има Бугари се неосновани
Тирана - Лидерот на Новата социјалдемократска партија, Паскал Миљо, еден од најпознатите историчари во Албанија и поранешен шеф на албанската дипломатија, ги отфрли тврдењата на Софија дека во Албанија живеат над 100 илјади Бугари.Миљо ги оцени како неосновани изјавите во бугарските медиуми.
Претензиите на Бугарите се неосновани и невистинити, изјави тој.
Ова е прва реакција еден албански политичар и историчар, по информацијата што ја пренесе тиранската телевизија Топ-ченел, дека во Албанија живеат над 100 илјади Бугари. За нив се бара признавање на правата што им следуваат според меѓународните конвенции. (МИА)
http://www.utrinski.com.mk/?ItemID=6AA35405704BB142BAE0756C43E5CD0E
Остри деманти во Албанија за „бугарското малцинство“
Тврдењата на Бугарската национална телевизија дека во Албанија живеат над 100.000 Бугари, по аргументираното демантирање на претставниците на албанските Македонци вчера ги негира и Паскал Миљо, поранешен шеф на албанската дипломатија.
Лидерот на Новата социјалдемократска партија, Паскал Миљо, еден од најпознатите историчари во Албанија и поранешен шеф на албанската дипломатија, ги отфрли тврдењата на Софија дека во Албанија живеат над 100.000 Бугари, јави дописникот на МИА од Тирана.
- Претензиите на Бугарите се неосновани. Ваквите претензии се невистинити - изјави тој.
Тоа е прва реакција на еден албански политичар и историчар, по информацијата што ја пренесе тиранската телевизија „Топ-ченел“ дека во репортажа емитувана на Бугарска национална телевизија се тврди оти во Албанија живеат над 100.000 Бугари. За нив се бара отворање училишта и признавање на правата што им следат според меѓународните конвенции.
Во репортажата насловена „100.000 Бугари во Албанија“, која трае 2 минути и 25 секунди, авторката Марија Иванова упатува критики до албанските власти, кои се уште не отвориле училишта на бугарски јазик и покрај големиот број Бугари во ова земја. Наспроти тоа, имало училишта и колеџи на грчки, турски и на македонски јазик.
Сепак, најголемата критика е поради непризнавањето од страна на албанската држава на постоењето бугарско малцинство, иако за бугарските државни структури тоа било приоритет.
Претставниците на македонските друштва и заедницата на Македонците и овојпат ги отфрлија тврдењата за постоење бугарско малцинство во Албанија. Градоначалникот на Пустец и еден од основачите на партијата на Македонците, Македонска алијанса за европска интеграција, Едмонд Темелко, вели не постоело од никогаш, не постои, ниту ќе постои некакво бугарско малцинство во Албанија.
- Тоа е познато од самата историја, од денешните политичари, од самиот народ, граѓаните на Република Албанија, дека освен македонско, грчко, влашко, ромско и црногорско малцинство нема друго малцинство на овие простори. Ова е една лажна политика, чија цел е веќе позната - нагласува Темелко.
Тој додаде дека поради големата беда во која живееле и во одделни делови се уште живеат Македонците, во изминатите години бугарски емисари носеле помош за, како што велеле, „своите сонародници Бугари“, а нуделе и бугарски пасоши, но не наишле на голем одѕив.
Темелко им порачува на бугарските власти како земја-членка на ЕУ да го признаат постоењето на македонското малцинство во Бугарија и да ја регистрираат нивната партија.
Според Центарот за етнички истражувања од Тирана, во Албанија живеат од 120-150.000 Македонци на целата територија на Албанија, но единствено статус на малцинство е признато само на оние што живеат во Мала Преспа.
Последниот попис на населението во Албанија беше спроведен во април 2001 година. Поради непостоење на колона каде што може слободно да се изрази етничката и верска припадност, припадниците на сите малцинства го бојкотираа. Најави за нов попис имаше и од претходниот премиер Фатос Нано и од актуелниот Сали Бериша, што од нив со години го бара Европа.
- Се додека не се спроведе реален попис, манипулации со бројот на припадниците на малцинствата ќе има и од самата албанска држава, вели Кимет Фетаху - директор на центарот.
Според оваа институција, освен 120.000 -150.000 припадници на македонското малцинство, влашкото и српско-црногорското бројат по 40.000, Ромите се над 150.000, 50.000 се Египќаните, додека Грците ги има од 300.000 до 400.000 лица.
http://www.spic.com.mk/DesktopDefault.aspx?tabindex=1&tabid=1&EditionID=353&ArticleID=14393
СОФИЈА Се ПОАГРЕСИВНА ВО АЛБАНИЈА Бугарија ги присвојува македонските цркви Претставник на бугарската амбасада вели дека црквата во Гиноец, Голо Брдо, ја изградиле етнички Бугари пред 1.000 години Откако не" „побугарчи“, сега бугарската држава сака да ни ги присвои и црквите, велат огорчени претставници на Македонците во Албанија. Тие се иритирани од изјавата на Розалина Попова, аташе за печат и втор секретар во бугарската амбасада во Тирана, која тврди дека во селото Гиноец, во областа Голо Брдо, постои стара бугарска црква. Попова вели дека црквата ја изградиле етничките Бугари пред 1.000 години, односно во 911 година. Вера Тодоровска |
http://www.focus-news.net/?id=n777561&chain=1
06.09.2007 17:21
Како пишуваш?
Ова не е став на бугарската влада, ова е став на бугарска телевизија.
Смешен си батка.
http://aba.government.bg/obshtnosti.php
2. karavelov
3. meto76
4. комитата
5. makedonskatribuna
6. radko
7. sekirata
8. tribune
9. georgiev
10. За българските работи
11. makedonska diskusiona grupa
12. teodordetchev
13. bugarash - blogspot
14. bugarash-wordpress
15. oblakoff
16. МЪГЛЕНСКА ПРАВОСЛАВНА АРХИЕПИСКОПИЯ
17. МАКЕДОНСКИЯТ НАУЧЕН ИНСТИТУТ
18. Български народни песни
19. Съюз на Македонските Организации
20. БУГАРАШ
21. МАКЕДОНСКО ДВИЖЕНИЕ ПРЕОБРАЖЕНИЕ